فوجداری مقدمات،دوسال میں ٹرائل مکمل نہ ہو تو ملزم ضمانت کا حقدار،سپریم کورٹ کا بڑا فیصلہ |
|
بدھ 06 دسمبر 2023ء | |
سپریم کورٹ نے فوجداری مقدمات میں ضمانت سے متعلق اہم فیصلہ جاری کردیا، عدالت نے کہا ضابطہ فوجداری قانون کے تحت اگر ٹرائل دو سال تک مکمل نہ ہو تو ملزم ضمانت کا حقدار ہے جسٹس اطہر من اللہ نے فیصلہ تحریر کیا، عدالت نے فیصلے میں کہا ضابطہ فوجداری قانون میں ٹرائل میں تاخیر کی حوصلہ شکنی کی گئی ہے،جن قانونی وجوہات کی بنیاد پر ضمانت کی درخواست خارج ہو انہی وجوہات کو بنیاد بنا کر دوبارہ ضمانت نہیں دی جاسکتی،اگر کسی گراؤنڈ پر ضمانت کی درخواست واپس لینے کی بنیاد پر خارج کردی جائے تو اسی گراؤنڈ پر دوبارہ ضمانت کی درخواست بھی نہیں دی جاسکتی،ٹرائل میں تاخیر کی بنیاد پر ضمانت دی جاسکتی ہے، عدالت نے قتل کے واقعہ میں گرفتار ملزم محمد عثمان کی دو لاکھ روپے ضمانتی مچلکوں کے عوض ضمانت کی درخواست منظور کرلی۔ |