جسٹس اعجاز الاحسن کو سپریم جوڈیشل کونسل سے علیحدہ کرنے کےلئے درخواست دائر |
|
بدھ 06 دسمبر 2023ء | |
جسٹس مظاہر علی اکبر نقوی کیخلاف سپریم جوڈیشل کونسل میں کارروائی کا معاملہ، جسٹس اعجاز الاحسن کو سپریم جوڈیشل کونسل سے الگ کرنے کیلئے سپریم کورٹ میں درخواست دائر کردی گئی سپریم جوڈیشل کونسل میں شکایت کنندہ میاں دائوود کی جانب سے سپریم کورٹ میں درخواست دائر کی گئی، درخواست میں موقف اختیار کیا گیا ہے کہ جسٹس اعجاز الاحسن غلام محمود ڈوگر کیس سننے والے بنچ کے سربراہ تھے، جسٹس اعجاز الاحسن نے جسٹس مظاہر علی اکبر نقوی کو شوکاز نوٹس دینے کی مخالفت کی تھی،سپریم جوڈیشل کونسل ارکان کو جانبدار نہیں ہونا چاہیے، انصاف کا تقاضا ہے کہ جسٹس اعجاز الاحسن سپریم جوڈیشل کونسل میں جسٹس مظاہر علی اکبر نقوی کیخلاف شکایت نہ سنیں،جسٹس اعجاز الاحسن پر سپریم جوڈیشل کونسل میں بھی اعتراض اٹھایا ہے، درخواست میں استدعا کی گئی ہے کہ جسٹس اعجاز الاحسن کو سپریم جوڈیشل کونسل کے اجلاس میں شرکت سے روکا جائے اور جسٹس اعجاز الاحسن کی جگہ دوسرے سینئر جج کو سپریم جوڈیشل کونسل کا رکن بنایا جائے۔ |