جان بچانے والی ادویات کی فراہمی،ڈرگ ریگولیٹری اتھارٹی نے رجسٹریشن کا عمل تیز کردیا

وزارت صحت ہدایت پر جان بچانے والی ادویات کی دستیابی کو یقینی بنانے کیلیےبڑی پیش رفت ،ڈرگ ریگولیٹری اتھارٹی نے ترجیحی بنیادوں پر ادویات رجسٹریشن کا عمل تیز کر دیا ترجمان وزارت صحت کے مطابق ترجیحی بنیادوں پر رجسٹریشن سے مارکیٹ میں شوگر، مرگی، اینٹی کینسر کی ادویات کی فراہمی میں مدد ملے گی،ترجمان کے مطابق ڈریپ نے اینستھیزیا انجکشن اور اینٹی کینسر ادویات کی رجسٹریشن کی منظوری دے دی ہے جبکہ درآمد اور مقامی مینوفیکچرنگ کے لئے اینٹی کینسر ادویات کی بھی منظوری دے دی گئی ہے وزارت صحت کے مطابق رجسٹریشن بورڈ نے انفلوئنزا ویکسینز، ہیپارن اور اینوکسیپارن انجیکشنز کی رجسٹریشن کی منظوری دے دی ہے جبکہ نئی اینٹی ذیابیطس دوا سیماگلوٹائڈ انجکشن کی رجسٹریشن کی بھی منظوری ہو چکی ہے ترجمان کے مطابق ان ادویات کی رجسٹریشن سے اینٹی کینسر شوگر اور جان بچانے والی ادویات کی فراہمی میں مزیز بہتری آیے گی دوسری جانب وفاقی وزیر صحت ڈاکٹر ندیم جان کا کہنا ہے کہ جان بچانے والی ادویات کی بلاتعطل فراہمی کو یقینی بنارھے ہیں،جان بچانے والی ادویات کی دستیابی کو یقینی بنانے کیلیے تمام تر ضروری اقدامات کو یقینی بنارہے ہیں،مقامی طور ادویات کی تیاری اور فروغ کیلیے فارما پارک بنارھے ہیں وفاقی وزیر صحت کے مطابق فارما انڈسٹری کی صلاحیت کو بڑھانے کیلئے بھی ٹھوس اقدامات جاری ہیں