الیکشن کمیشن نے ابتدائی حلقہ بندیوں پر اعتراضات جمع کرانے کےلئے ہدایت نامہ جاری کردیا |
|
منگل 10 اکتوبر 2023ء | |
الیکشن کمیشن نے ابتدائی حلقہ بندیوں پر اعترضات جمع کرانے کےلئے ہدایت نامہ جاری کردیا ای سی پی کی طرف سے جاری ہدایت نامے کے مطابق درخواست دہندہ کا متعلقہ انتخابی حلقے کا ووٹر ہونا ضروری ہے،اعتراضات درخواست خود یا تحریری طور پر جمع کراسکتے ہیں،ہدایت نامہ کے مطابق کوریئر سروسز،فیکس یا ای میل کے ذرایعے بھیجے گئے اعتراضات قابل قبول نہیں ہونگے درخواست اعتراضات کی آٹھ کاپیاں بمعہ نقشہ جات بھجوائی جا سکتی ہیں،درخواستوں پر ضلع کے تمام موجودہ انتظامی اور ریونیو یونٹ واضح طور پر ہونے چاہیئں،اعتراضات دفتری اوقات میں الیکشن کمیشن سیکرٹریٹ اسلام آباد میں جمع کرائے جا سکتے ہیں،جن کی آخری تاریخ ستائیس اکتوبر ہے،حلقہ بندیوں کی حتمی اشاعت تیس نومبر کو کی جائے گی علاوہ ازیں الیکشن کمیشن کی عام انتخابات کےلئے ضابطہ اخلاق کے حوالے سے سیاسی جماعتوں کے نمائندوں سے مشاورت گیارہ اکتوبر کو ہوگی،جس کے بعد حتمی ضابطہ اخلاق جاری کیا جائے گا،مشاورتی اجلاس چیف الیکشن کمشنر کی زیر صدارت ہوگا،جس کےلئے سیاسی جماعتوں کو دعوت نامے ارسال کر دیئے گئے ہیں |