آرمی چیف جنرل عاصم منیر کا دو روزہ دورہ ازبکستان،اہم ملاقاتیں |
|
منگل 05 ستمبر 2023ء | |
چیف آف آرمی سٹاف جنرل سید عاصم منیر کا دو روزہ دورہ ازبکستان،ازبک صدر سمیت اعلیٰ حکام سے ملاقاتیں،دوطرقہ تعاون،انٹیلی جنس شیئرنگ سمیت دیگر امور پر بات چیت آئی ایس پی آر کے مطابق آرمی چیف جنرل سید عاصم منیر جمہوریہ ازبکستان کے دو روزہ سرکاری دورے پر ہیں۔ دورے کا مقصد فوجی اور دفاعی تعاون کو بڑھانا ہے۔ دو روزہ دورے کے دوران چیف آف آرمی سٹاف نے ازبکستان کے صدر جناب شوکت مرزایوئیف، وزیر دفاع اور چئیرمین اینڈ سیکرٹری برائے سٹیٹ سیکیورٹی سروس ازبکستان سے ملاقات کی۔ آئی ایس پی آر کے مطابق ملاقاتوں کے دوران چیف آف آرمی سٹاف نے باہمی تربیتی تعاون اور انٹیلی جنس تبادلے کو بڑھانے پر بھی زور دیا۔ آرمی چیف نے ازبکستان کی فوج کی تربیت کے معیار اور علاقائی سلامتی کے لیے کاوشوں کو سراہا۔ ازبکستان کی وزارتِ دفاع آمدپر، چیف آف آرمی سٹاف کا پرتپاک استقبال کیا گیا اور چاق و چوبند دستے نے انہیں گارڈ آف آنر پیش کیا۔ چیف آف آرمی سٹاف نے تاشقند میں یادگارِ شہداء پر پھول بھی رکھے |