نوے دن میں انتخابات کا انعقاد،جماعت اسلامی نے سپریم کورٹ سے رجوع کر لیا

انتخابات 90 روز میں کرانے کیلئے جماعت اسلامی نے سپریم کورٹ سے رجوع کر لیا جماعت اسلامی کے نائب امیر لیاقت بلوچ نے عدالت عظمیٰ میں آئینی درخواست دائر کر دی، درخواست میں الیکشن کمیشن، وفاقی حکومت، صوبائی حکومتوں اور دیگر کو فریق بنایا گیا ہے، درخواست میں موقف اختیار کیا گیا ہے کہ اسمبلیوں کی تحلیل کے بعد انتخابات کا آئینی مدت میں انعقاد ضروری ہے، سابقہ حکومت نے مردم شماری شائع کرنے کا فیصلہ بدنیتی کی بنیاد پر کیا، نومبر میں ہونے والے انتخابات مزید تاخیر کا شکار ہوئے تو آئین کی خلاف ورزی ہوگی، درخواست میں استدعا کی گئی ہے کہ الیکشن کمیشن کو فوری طور پر انتخابی شیڈیول جاری کرنے کا حکم دیا جائے،تمام سرکاری اداروں کو حکم دیا جائے کہ انتخابات میں الیکشن کمیشن کی مکمل معاونت کریں، الیکشن کمیشن کو نوے روز میں انتخابات کے انعقاد کو یقینی بنانے کے احکامات جاری کیے جائیں۔