توشہ خانہ کیس،سابق وزیراعظم کی اہلیہ بشریٰ بی بی کی ضمانت قبل از گرفتاری منظور

سابق وزیراعظم کی اہلیہ بشریٰ بی بی کی توشہ خانہ کیس میں ضمانت قبل ازگ گرفتاری منظور کر لی گئی تفصیلات کے مطابق مقدمے کی سماعت ڈیوٹی جج ابو الحسنات ذوالقرنین نے کی، بشریٰ بی بی کے وکلا انتظار پنجوتھا اور لطیف کھوسہ عدالت میں پیش ہوئے سماعت کے دوران ڈیوٹی جج ابوالحسنات ذوالقرنین نے کہا کہ بشریٰ بی بی نے دستخط کردیے ہوں تو انہیں کمرہ عدالت سے روانہ کردیں۔ سماعت کے دوران وکیل صفائی لطیف کھوسہ نے کہا کہ 12 ستمبر تک چیئرمین پی ٹی آئی جیل میں نہیں ہوں گے، آج بشریٰ بی بی کو نیب نے شامل تفتیش کرنے کے لیے بلایا تھا۔ لطیف کھوسہ نے کہا کہ چیئرمین پی ٹی آئی سے ملنے بھی بشریٰ بی بی نے اٹک جیل جانا ہے، بشریٰ بی بی کو نیب کو بلانا ہی نہیں چاہیے، خاتون ہیں، سوالات مہیا کردیں، وہ بطورخاتون اول بھی کسی پروگرام میں کبھی نہیں گئیں۔ ڈیوٹی جج ابوالحسنات ذوالقرنین نے کہا کہ آج بشریٰ بی بی دستیاب نہیں، کل نیب چلی جائیں تو مسئلہ تو نہیں؟ جس پر نیب پراسیکیوٹر نے کہا کہ ابھی معاملہ میری ڈومین میں نہیں، نیب بتائے گی۔ عدالت میں وکیل صفائی لطیف کھوسہ نے کہا کہ بشریٰ بی بی چیئرمین پی ٹی آئی سے ملنے جیل گئیں، جیل افسر نے کہا جیل میں کھانا دینا ہے تو 10 ہزار روپے دیں، جیل افسر نے بشریٰ بی بی کو کہا آپ کی مرضی کا کھانا دے دیں گے۔جبکہ بعد میں الزام لگادیا کہ بشریٰ بی بی نے رشوت دینے کی کوشش کی، بشریٰ بی بی تب سے ڈری ہوئی ہیں عدالت نے پانچ لاکھ کے مچلکوں کے عوض بشریٰ بی بی کی ضمانت قبل از گرفتاری منظور کر لی