بجلی کے بلوں کے خلاف عوامی احتجاج،نگران وزیراعظم نے کل ہنگامی اجلاس طلب کر لیا |
|
هفته 26 اگست 2023ء | |
بجلی کے بلوں کے خلاف عوامی احتجاج رنگ لے آیا ، نگران وزیراعظم نے کل ہنگامی اجلاس طلب کر لیا وزیراعظم آفس سے جاری بیان میں کہا گیا ہے کہ نگران وزیراعظم انوار الحق کاکڑ نے بجلی کے بھاری بِلوں کے معاملے پر کل وزیراعظم ہاؤس میں ہنگامی اجلاس طلب کر لیا ہے۔ نگران وزیراعظم کا کہنا ہے کہ اجلاس میں وزارت بجلی اور تقسیم کار کمپنیوں سے بریفنگ لی جائے گی، صارفین کو بجلی بِلوں سے متعلق زیادہ سے زیادہ ریلیف دینے پر مشاورت کی جائے گی، واضح رہے کہ بجلی کے نرخوں میں غیر معمولی اضافے کے باعث صارفین کو بھاری بل موصول ہوئے جس کے بعد ملک کے مختلف علاقوں میں احتجاج کا سلسلہ گزشتہ کئی دن سے جاری ہے اور بجلی کے بلوں کے بائیکاٹ کی مہم بھی شروع کی گئی ہے،وقت کے ساتھ ساتھ احتجاج میں شدت کے پیش نظر وزیراعظم نے صورتحال کا نوٹس لیتے ہوئے کل ہنگامی اجلاس طلب کیا ہے |