سابق وزیراعلی پنجاب چوہدری پرویز الٰہی رہائی رہائی کے بعد دوبارہ گرفتار ،لاہور منتقل |
|
پیر 14 اگست 2023ء | |
سابق وزیراعلی پنجاب چودھری پرویز الہی کو سینٹرل جیل اڈیالہ راولپنڈی سے رہا ہوتے ہی نیب کی ٹیم نے دوبارہ گرفتار کرلیا۔ راہداری ریمانڈ کے بعد لاہور منتقل کردیا گیا تفصیلات کے مطابق سابق وزیر اعلی پنجاب پرویز الہی کو اڈیالہ جیل راولپنڈی کی انتظامیہ نے نظر بندی کی مدت ختم ہونے پر رہا کردیا تاہم چوہدری پرویز الہی جیسے ہی اڈیالہ جیل کے مرکزی گیٹ سے باہر نکلے تو انہیں نیب راولپنڈی و لاہور کی ٹیم نے دوبارہ گرفتار کرلیا، نیب ٹیم نے پرویز الہی کو جوڈیشل کمپلیکس راولپنڈی میں ڈیوٹی جج کی عدالت میں پیش کر کے راہداری ریمانڈ کی درخواست کی۔ جس پر ڈیوٹی سول جج نے پرویز الٰہی کو ایک دن کے راہداری ریمانڈ پر نیب لاہور کے حوالے کر دیا، جس کے بعد ٹیم لاہور روانہ ہوگئی۔ ڈیوٹی جج نے راہداری ریمانڈ میں حکم دیا کہ ملزم پرویز الٰہی کو کل منگل کو نیب لاہور کی متعلقہ عدالت پیش کیا جائے۔ |