اہم دہشتگرد کمانڈر سربکف مہمند ہلاک

ذرائع کے مطابق دہشتگرد تنظیموں کے درمیان اختلافات شدت اختیار کر چکے ہیں اور بھتہ خوری اور بداخلاقی کے حوالے سے سربکف مہمند کی ساتھی دہشتگردوں سے اختلافات بھی خبریں سامنے آئی تھیں اطلاعات کے مطابق سربکف مہمند کو مفتی نور ولی محسود گروپ نے زہر دیا تھا،کچھ عرصے سے سربکف مہمند خود کو نور ولی محسود کا نعم البدل بھی ظاہر کررہا تھا، ذرائع نے دعویٰ کیا ہے کہ دہشت گرد تنظیموں کے اندرونی اختلافات انتہائی شدت اختیار کرچکے، دہشت گرد سربکف مہمند سوشل میڈیا پرپاکستان مخالف زہریلا پروپیگنڈا کر رہا تھا، کالعدم جماعت الاحرار کے سربکف مہمند نے اپنی تنظیم ٹی ٹی پی میں ضم کردی تھی، واضح رہے کہ سربکف مہمند پشاورپولیس لائنز حملہ سمیت دہشت گردی کی متعدد کارروائیوں کا ماسٹر مائنڈ تھا۔