انسانی وسائل کی ترقی کےلئے ٹاسک فورس کا قیام،وفاقی وزیر نے اعتراض اٹھا دیا

وفاقی وزیر ساجد طوری کی طرف سے انسانی وسائل کی ترقی کت ٹاسک فورس کے چیئرمین کو لکھے گئے خط میں کہا گیا ہے کہ انہیں ٹاسک فورس کا شریک چیئرمین بنایا گیا ہے،ٹاسک فورس کی تشکیل احسن اقدام ہے لیکن وہ اسکا حصہ نہیں بن سکتے،تاہم وزارت انسانی وسائل ٹاسک فورس سے ہر ممکن تعاون جاری رکھے گی،وفاقی وزیر ساجد طوری نے تجویز دی ہے کہ انکی جگہ وزیرتعلیم کو ٹاسک فورس کا شریک چیئرمین بنایا جائے،وفاقی وزیر نے خط میں ٹاسک فورس کی وزیراعظم کی منظوری کے حوالے سے بھی سوال اٹھایا ہے اور کہا ہے کہ ٹاسک فورس کی وزیراعظم سے ضرور منظوری لی گئی ہوگی تاکہ فورس بلاروک ٹوک فرائض سر انجام دے سکے واضح رہے کہ ٹاسک فورس کا مقصد طویل المدتی اور طویل المیعاد بنیادوں پر روڈ میپ تیار کرنا ہے