فوجی تنصیبات کو باقاعدہ پلاننگ کے تحت نشانہ بنایا گیا،وزیر دفاع خواجہ آصف

اسلام آباد میں میڈیا سے گفتگو کرتے ہوئے وزیت دفاع خواجہ آصف کا کہنا تھا کہ 9 مئی کو فوجی تنصیبات پر ہونے والے حملوں سے لیکر اب تک شواہد مل رہے ہیں کہ تحریک انصاف نے باقاعدہ پلاننگ کے ساتھ حملے کیے۔ وزیردفاع کا کہنا تھا کہ تحریک انصاف پر پابندی لگانے کا جائزہ لیا جارہا ہے، عسکری و سرکاری تنصیبات پر حملہ عمران خان کا آخری حربہ تھا اس کے گھناؤنے عزائم تھے جو دشمن کے ہو سکتے ہیں عمران خان نے فوج کو اپنا حریف سمجھ لیا ہے۔ خواجہ آصف نے کہا کہ 9 مئی کےواقعات میں ریاست کی رٹ کوچیلنج کیا گیا، گرفتار ملزمان خود قبول کررہے ہیں کہ حملے کی منصوبہ بندی پہلے سے کررکھی تھی۔ تحریک پر پابندی سے متعلق پارلیمنٹ کو اعتماد میں لیا جائے گا۔