برطانیہ کے بادشاہ چارلس سوئم کو تاریخی کنگ ایڈورڈ تاج پہنا دیا گیا۔

برطانیہ کے بادشاہ چارلس سوئم اور ان کی اہلیہ ملکہ کنسورٹ کمیلا کی تاج پوشی کی تقریب جاری ہے جس میں مختلف رسومات ادا کی جارہی ہیں۔ بادشاہ چارلس کی حلف برداری میں آرچ بشپ آف کینٹربری نے بادشاہ سےحلف لیا جس کے بعد بادشاہ چارلس نےحلف نامے پر دستخط بھی کردیے۔ برطانیہ کے بادشاہ چارلس سوئم نے سینٹ ایڈورڈ چیئر سنبھال لی اور انہیں تاریخی کنگ ایڈورڈ تاج پہنایا گیا، آرچ بشپ نے بادشاہ چارلس کوکنگ ایڈورڈ تاج پہنایا۔ قبل ازیں برطانوی وزیراعظم رشی سونک نے استقبالیہ پیش کیا،وزیراعظم پاکستان شہبازشریف تاج پوشی کی تقریب میں شریک ہیں، تقریب مین مجموعی طور پر دوہزار دو سو ملکی اور غیر ملکی مہمان شریک ہیں۔ واضح رہے کہ گزشتہ 70 سال کے دوران برطانیہ میں ہونے والی تاج پوشی کی یہ پہلی تقریب ہے جس میں شرکت کیلئے پرنس ہیری بھی ویسٹ منسٹرایبی پہنچے ہیں۔ جبکہ پرنس اینڈریو، پرنس ایڈورڈ، پرنسس یوجین، پرنسس این بھی ویسٹ منسٹرایبی تقریب میں شریک ہیں۔