سوڈان سے پاکستانیوں کی بحفاظت وطن واپسی،پاک فضائیہ کا آپریشن جاری

ترجمان پاک فضائیہ کے مطابق پاک فضائیہ کا دوسرا طیارہ سوڈان سے انخلاء کا مشن کامیابی سے مکمل کرنے کے بعد واپس کراچی پہنچ گیا۔ ترجمان کے مطابق سی-130 ہرکولیس طیارہ سوڈان سے 110 پاکستانیوں کو لیکر وطن واپس پہنچا، اس قبل سے صبح پاک فضائیہ کا ایئربس طیارہ سوڈان میں پھنسے ہوئے 149 پاکستانیوں کو لے کر کراچی کے جناح انٹرنیشنل ایئرپورٹ پر اترا۔ ترجمان پاک فضائیہ کے مطابق پاک فضائیہ کی اعلیٰ قیادت کی ہدایات پر ٹرانسپورٹ طیارے سوڈان میں پھنسے ہوئے ہم وطنوں کو واپس لانے میں مصروف عمل ہے،پاک فضائیہ کا ٹرانسپورٹ طیاروں کا بیڑہ قدرتی آفات اور حادثات کے دوران قوم کی پکار پر لبیک کہنے میں ہمیشہ پیش پیش رہا ہے۔