گن اینڈ کنٹری کلب کا آڈٹ نہ کرانے کا معاملہ،پی اے سی کا نوٹس، ریکارڈ قبضے میں لینے کی ہدایت

پبلک اکاؤنٹس کمیٹی کا اجلاس چیئرمین نور عالم خان کی زیر صدارت ہوا جس میں وزارت ہاؤسنگ اور وزارت بین الصوبائی رابطہ کے آڈٹ پیراز کا جائزہ لیا گیا،پبلک اکاؤنٹس کمیٹی نے گن اینڈ کنٹری کلب اسلام آباد کا آڈٹ نہ ہونے کا نوٹس لے لیا اور متعلقہ حکام کو گن اینڈ کنٹری کلب کا تمام ریکارڈ قبضے میں لینے کی ہدایت کردی جبکہ کلب کے سربراہ نعیم بخاری کوفوری ہٹانےکی ہدایت کردی، چیئرمین کمیٹی نور عالم خان کا کہنا تھا کہ گن اینڈ کنٹری کلب کا آڈٹ کیوں نہیں کرایا گیا، اربوں روپے کے آڈٹ پیراز بن چکے ہیں، قانون کی مسلسل خلاف ورزی ہوئی ہے، پبلک اکاوںٹس کمیٹی نے کلب کے آڈٹ کے لیے نیب اور ایف آئی اے کی مدد لینے کی ہدایت کردی،اورآڈٹ پیراز ایف آئی اے اور نیب کو انکوائری کےلئے بھجوانے کا فیصلہ کیا۔ پی اے سی نے کلب کے سربراہ نعیم بخاری سے گاڑی اور دفاتر سمیت تمام مراعات اور سہولیات واپس لینے کی ہدایات بھی جاری کردیں