وزیراعظم آزاد کشمیر سردار تنویر الیاس کو عدالت نے نااہل قرار دے دیا |
|
منگل 11 اپریل 2023ء | |
آزاد کشمیر ہائیکورٹ کے فل بنچ نے آزاد کشمیر کے وزیراعظم کو عدالت برخاست ہونے تک سزا سنائی اور کسی بھی پبلک عہدے کے لیے نا اہل قرار دےدیا۔عدالت نے نئے وزیراعظم آزاد کشمیر کے انتخاب کے لیے چیف الیکشن کمشنر کو خط بھی لکھ دیا ہے آزاد کشمیرکی تاریخ میں پہلی بار کسی وزیراعظم کو نااہل قرار دیا گیا ہے۔ واضح رہے کہ تنویر الیاس کو اپنی تقاریر میں دھمکی آمیز لہجہ اختیار کرنے پر آزاد کشمیر سپریم کورٹ اور ہائی کورٹ نے طلب کیا تھا۔ وزیراعظم آزادکشمیر ہائی کورٹ میں پیش ہوئے، ان کے خلاف سماعت چیف جسٹس ہائی کورٹ صداقت حسین راجہ کی سربراہی میں فل بینچ نےکی۔ تنویر الیاس نے عدلیہ کے خلاف دھمکی آمیز بیانات پر آزادکشمیر ہائی کورٹ میں پیش ہوکر غیر مشروط معافی مانگی تاہم سماعت کے دوران وزیراعظم آزادکشمیر کی تقاریر کےکلپ چلائےگئے اور تنویر الیاس سے توہین عدالت کا اعتراف کرایا گیا۔ تنویر الیاس کا کہنا تھا کہ میرےکسی الفاظ سےکسی کی دل آزاری ہوئی تو غیرمشروط معافی مانگتاہوں، تاہم عدالت نے ان کی معافی کی درخواست مسترد کردی۔ |