سربراہ پاک فضائیہ سے ایرانی سفیر کی ملاقات،علاقائی امور پر تبادلہ خیال

ترجمان پاک فضائیہ کے مطابق ایرانی سفیر کی پاک فضائیہ کے سربراہ سے ملاقات کے دوران علاقائی سیکیورٹی صورتحال سمیت دیگر امور پر تبادلہ خیال کیا گیا۔ ملاقات کے دوران سربراہ پاک فضائیہ نے ایئر فورس کو جدید خطوط پر استوار کرنے کے وسیع منصوبوں پر روشنی ڈالی اتحادی ممالک سے سمارٹ ایکوزیشنز،انفراسٹرکچر کی توسیع اور ٹریننگ کی از سرنو تشکیل کے منصوبوں کا بھی ذکر کیا۔ایئر چیف نے دونوں ممالک کی افواج کے مابین عسکری تعاون اور تربیتی شعبے میں پہلے سے موجود تعاون کو مزید فروغ دینے کے عزم کا اعادہ کیا۔ان کا کہنا اتنا کہ پاکستان ایران کے ساتھ مضبوط سفارتی ،اقتصادی اور دفاعی تعلقات کو قدر کی نگاہ سے دیکھتا ہے، جوعلاقائی امن،سلامتی اور استحکام سے متعلق تمام اہم امور میں ہم آہنگی پر مبنی ہے ملاقات کے دوران ایران کے سفیر نے پاک فضائیہ کی جانب سے خود انحصاری کےلئے غیر معمولی پیش رفت کو سراہا اور ایئر فورس کی پیشہ ورانہ مہارت کی تعریف کی ایرانی سفیر نے عسکری شعبے میں تعاون کے فروغ،ہوا بازی کی صنعت سمیت دیگر شعبوں میں تعاون کو فروغ دینے کےلئے ہر ممکن کردار ادا کرنے کے عزم کا اظہار کیا