سکھر،مریم نواز کے خلاف مقدمہ درج کرنے کی درخواست مسترد

تفصیلات کے مطابق مریم نواز کے خلاف تحریک انصاف کے ضلعی صدر ایڈووکیٹ ظہیر بابر نے درخواست دائرکی تھی جس میں موقف اختیار کیا گیا تھا کہ مریم نواز نے سرگودھا جلسے کے دوران پاک افواج اور عدلیہ کے خلاف ہرزہ سرائی کی، مریم نواز کے خلاف قانون کے مطابق کارروائی کی جائے۔ درخواست کی سماعت کے دوران ڈپٹی اٹارنی جنرل کا کہنا تھا کہ ‎ قانون کےمطابق مقدمے کے لیے درخواست سرگودھا کی عدالت میں ہی دائرکی جاسکتی ہے۔ ‎ فریقین کے دلائل سننےکے بعد ایڈیشنل اینڈ ڈسٹرکٹ سیشن جج ممتاز سولنگی نے مریم نواز کے خلاف بغاوت کا مقدمہ درج کرنےکی درخواست مستردکردی۔