جب حکم ملا،الیکشن کرا دیں گے،نگران وزیر اعلیٰ پنجاب محسن نقوی

لاہور میں ایک تقریب سے خطاب کرتے ہوئے نگران وزیر اعلیٰ پنجاب محسن نقوی کا کہنا تھا کہ نگران صوبائی حکومت نے کوئی انتقامی کارروائی نہیں کی، ہماراخیال تھا کہ گرفتاریاں دینے والے بہت زیادہ ہوں گے، جس کے باعث گرفتار کچھ لوگوں کو دیگر شہروں کی جیلوں میں بھیجا گیا۔ الیکشن کے حوالے سے متعلق اظہار خیال کرتے ہوئے انہوں نے کہا ہے کہ ہمیں جب بھی حکم دیا گیا، الیکشن کرا دیں گے۔ نگران وزیر اعلی کا کہنا تھا کہ میں لاہورکا رہائشی ہوں، لاہورکا کوئی پروجیکٹ نہیں رکنے دیں گے، جاری پروجیکٹس کی تکمیل پہلی ترجیح ہے، نگران وزیر اعلیٰ پنجاب کا کہنا تھا کہ پاکستان کرکٹ بورڈسے معاہدہ طے پا گیا ہے، پی سی بی لائٹس خریدےگا، لائٹس کرائے پر نہیں لی جائیں گی