راولپنڈی دہشتگردی کا منصوبہ ناکام،دو دہشتگرد گرفتار |
|
جمعرات 09 فروری 2023ء | |
سی ٹی ڈی پنجاب کے مطابق گرفتار دو دہشت گردوں کا تعلق تحریک طالبان کے حاجی فقیر گروپ سے ہے، دہشتگردوں کے نام حیات اللہ اور وکیل خان بتائے گئے ہیں ابتدائی معلومات کے مطابق دہشت گردوں نے خودکش حملہ آوروں کے ساتھ راولپنڈی پولیس لائنز پر حملہ آور ہونا تھا، تھانہ صدر بیرونی، ضلعی عدالتیں راولپنڈی اور ایک مشنری سکول دہشت گردوں کے ٹارگٹس میں شامل تھے،جن کی باقاعدہ ریکی کر کے تصاویر بھی بنائی گئیں سی ٹی ڈی کے مطابق دہشت گردوں نے ابتدائی طور پر بتایا ہے کہ انہوں ںے کانونٹ اسکول راولپنڈی، پولیس لائنز اسلام آباد سمیت دیگر حساس مقامات پر تخریبی کارروائیاں کرنی تھیں، ان مقامات کی تصاویر اپنے متعلقہ کمانڈر کو بھی بھجوائی تھیں |