وفاقی دارالحکومت میں درختوں کی کٹائی،سنیئرمجسٹریٹ نے ایک ملزم کو جیل بھجوادیا

تفصیلات کے مطابق ملزم صابر احمد کو ایکسپریس ہائی وے پارک سے درخت کاٹتے ہوئے سی ڈی اے عملے نے حراست میں لیا،ملزم کو رات گئے سنیئر مجسٹریٹ سردار محمد آصف کی عدالت میں پیش کیا گیا جس پر عدالت نے ملزم کو پانچ دن کےلئے اڈیالہ جیل بھجوانے کا حکم دیا،ملزم کے خلاف فوری چالان بنا اور فرد جرم عائد کر کے جیل بھجوانے کا حکم دیا واضح رہے کہ وفاقی دارالحکومت میں درختوں کی کٹائی کے حوالے سے سی ڈی اے انتظامیہ اور سپیشل مجسٹریٹ کی طرف سے تیز ترین انصاف کی فراہمی کے اصول کو اپنایا گیا ہے