سابق صدر جنرل ریٹائرڈ پرویز مشرف پورے فوجی اعزاز کے ساتھ سپرد خاک

تفصیلات کے مطابق سابق صدر جنرل ریٹائرڈ پرویز مشرف کی نماز جنازہ پولوگرائونڈ ملیر کینٹ میں ادا کی گئی جس میں جوائنٹ چیفس آف اسٹاف کمیٹی جنرل ساحر شمشاد، سابق آرمی چیف جنرل ریٹائر قمر جاوید باجوہ اور جنرل ریٹائر اشفاق پرویز کیانی، ایم کیو ایم کے رہنما خالد مقبول، مصطفیٰ کمال، فاروق ستار اور فروغ نسیم سمیت دیگر بھی شریک ہوئے۔ نماز جنازہ کے بعد جنرل ریٹائرڈ پرویزمشرف کی آرمی قبرستان میں فوجی اعزازکے ساتھ تدفین کی گئی۔ واضح رہے کہ سابق صدر جنرل ریٹائرڈ پروی مشرف طویل عرصے سےعلیل اور دبئی میں امریکن ہسپتال میں زیر علاج تھے جہاں پانچ فروری کو انکا انتقال ہوا،جس کے بعد گزشتہ شب سابق صدر پرویز مشرف کی میت کو خصوصی طیارے کے ذریعے کراچی لایا گیا، خصوصی طیارے سے پرویز مشرف کی اہلیہ، بیٹی اور صاحبزادے بھی کراچی پہنچے تھے۔