فصلوں کی نشوونما اور حفاظت کا خیال کےلئے روبوٹ تیار کر لیا گیا

تفصیلات کے مطابق سینٹائی وی نامی روبوٹ کے دونوں اطراف تارنما ابھار ہیں جو اسے حرکت میں مدد دیتے ہیں۔ انکی بدولت روبوٹ ہر طرح کی ناہموار جگہ پر سفر کرسکتا ہے اور ہرطرف میں مڑسکتا ہے۔ روبوٹ میروپی نامی اسٹارٹ اپ کمپنی نے تیار کیا ہے۔ کسان کھیت کےمحلِ وقوع کی تفصیل کمپیوٹر ڈیش بورڈ میں لکھتا ہے۔ کھلیان میں جانے کے بعد روبوٹ گلوبل نیوی گیشن سیٹلائٹ سسٹم کی مدد سے اپنا راستہ بناتا رہتا ہے۔ روبوٹ پردو کیمرہ نصب ہیں جو فصل پرنظر رکھتے ہیں۔ تمام ویڈیو اور تصاویر کمپیوٹر تک جاتی ہیں اور ایک سافٹ ویئر اس کا جائزہ لیتا ہے۔ کھیت میں کس مقام پر خود رو جھاڑیاں ہیں، فصل میں بیماری کہاں ہیں اورکس جگہ حشرات نے نقصان پہنچایا ہے۔ اس سب کی نشاندہی اسی سافٹ ویئر کے ذریعے ہوتی ہے جبکہ روبوٹ کھاد اور پانی کی ضرورت کی نشاندہی بھی کرتا ہے۔ سینٹائی وی زرعی روبوٹ کا کل وزن پندرہ کلوگرام ہے اور اسکی وجہ سے فصلوں کو نقصان نہیں پہنچتا جبکہ روبوٹ ایک دن میں انچاس ایکڑ رقبے کی نگرانی کرسکتا ہے۔