گلوبل وارمنگ،نئی صدی کی ابتداٗ تک اسی فیصد گلیشئر پگھل سکتے ہیں،تحقیق |
|
پیر 09 جنوری 2023ء | |
امریکی یونیورسٹی کارنیگی ملین میں کی جانے والی تحقیق کے مطابق زمین کے درجہ حرارت میں اضافہ اگر ایک اعشایہ پانچ ڈگری سینٹی گریڈ تک محدود بھی کر دیا جائے تو زمین پر موجود تقریباً نصف گلیشیئر پگھل سکتے ہیں، جس کے باعث مقامی آبی چکر پر منفی اثرات مرتب ہوسکتے ہیں اور تودوں کے گرنے اور سیلابوں میں اضافے کا باعث بھی ہوسکتا ہے۔ دوہزار اکیس میں سائنس دانوں نےتحقیق کے دوران بتایا تھا کہ اینٹارکٹیکا کا تھویٹس گلیشیئر گزشتہ 200 سالوں سے زیادہ عرصے میں جتنا پگھلا ہے اس سے دُگنی رفتار سے گزشتہ چند سالوں میں پگھل چکا ہے،تیزی سے پگھلتا یہ گلیشیئر اکیلا ہی سطح سمندر میں 10 فِٹ کا اضافہ کر سکتا ہے جبکہ دوسرے بڑے گلیشیئرز بھی سطح سمندر میں بڑا اضافہ کر سکتے ہیں۔ مثال کے طور پر اینٹارکٹیکا کے پائن آئی لینڈ آئس شیلف 1.6 فِٹ جبکہ مشرقی اینٹارکٹیکا کی برف کی چادر 2500 تک 16 فِٹ تک کا اضافہ کرسکتے ہیں۔ سطح سمندر میں اضافے سے دنیا میں کئی بڑے شہروں کو خطرات کا سامنا ہو سکتا ہے۔ |