سمندر کی تہہ میں مائیکرو پلاسٹک کی مقدار میں غیر معمولی اضافہ

سپین کی آٹونومس یونیورسٹی آف بارسلونا اور ڈنمارک کی آلبرگ یونیورسٹی کے سائنسدانوں کی تحقیق میں ثابت ہوا ہے کہ گزشتہ بیس سال کے دوران سمندر کی تہہ میں مائیکرو پلاسٹک کی مقدار میں تین گنا اضافہ ہوا ہے دونوں یونیورسٹی میں کی جانے والی تحقیقات میں یہ بات سامنے آئی کہ سمندر کی 100 میٹر یا اس سے زیادہ کی گہرائی میں پلاسٹک کے کچرے کے باریک ٹکڑوں کا ذخیرہ جمع ہو رہا ہے اور پلاسٹک کے یہ اتنے باریک ٹکڑے ہیں جن کو عام انسانی آنکھ سے دیکھنا ممکن نہیں سائنس دانوں کے مطابق دنیا میں پیکجنگ اور دیگر معاملات میں پلاسٹک کی اشیاء کے بڑھتے استعمال کے باعث سمندر کی تہہ میں مائیکرو پلاسٹک کی مقدار مسلسل بڑھ رہی ہے، اس حوالے سے تحقیق کرنے والی ٹیموں نے اسپین کے مشرق اور فرانس کے جنوب میں واقع بحیرہ بیلیئرک کی تہہ سے 2019 میں نکالے گئے نمونوں کا جائزہ لیا۔ تحقیق کا مقصد تھا کہ 1965جب پلاسٹک کی خطیر مقدار میں پیداوار شروع ہوئی کے بعد سے سمندر کی تہہ میں مائیکرو پلاسٹک کی مقدار میں کتنا اضافہ ہوا ہے،اسکا جائزہ لیا جائے تو اس دوران انکشاف ہوا کہ سال دوہزار کے بعد سمندر کی تہہ میں مائیکرو پلاسٹک کی مقدار میں تین گنا سے زائد اضافہ ہوا ہے،