اب توانائی ایٹم توڑ کو نہیں جوڑ کر بھی حاصل کی جا سکے گی،امریکی سائنسدانوں کا کامیاب تجربہ |
|
بدھ 14 دسمبر 2022ء | |
اب توانائی ایٹم توڑ کر نہیں ایٹمز کے ملاپ سے حاصل کی جا سکے گی،تابکار فضلہ بھی کم پیدا ہوگا،امریکی سائنسدانوں نے نیوکلیئر فیوژن میں بڑی کامیابی حاصل کر لی امریکی سائنسدان ایٹمز کے ملاپ سے توانائی حاصل کرنے میں کامیاب ہو گئے۔قبل ازیں نیوکلیئر ری ایکٹرز اور بجلی گھروں میں ایٹم کو توڑنے سے توانائی حاصل کی جاتی تھی،ایٹمز کے ٹوٹنے کے عمل سے توانائی کے ساتھ بہت بڑی مقدار تابکار فضلہ بھی پیدا ہوتا تھا جس کو ٹھکانے لگانا اور اس کے تابکاری اثرات سے انسان کو محفوظ رکھنا بھی مسئلہ تھا سائنسدانوں کے مطابق ایٹمز کے ملاپ یعنی نیو کلیئر فیوژن میں توانائی زیادہ پیدا ہو گی اورتابکار فضلہ بہت کم پیدا ہو گا۔ کیلیفورنیا کی لارنس لیورمور نیشنل لیبارٹری میں تجربے کے بعد سائنسدانوں کا کہنا تھا کہ مستقبل میں توانائی کے بہت سے مسائل کا حل اس نئی ٹیکنالوجی سے حاصل ہو گا،نئی ریسرچ میں کامیابی سے دنیا میں توانائی کے بحران پر قابو پانے کےلئے حوالے سے ایک نئی امید نے جنم لیا ہے۔ |