کمرشل صارفین نہ آر ایل این جی معاہدہ کریں گے،نہ گیس کنکشن منقطع ہونگے،اوگرا اتھارٹی کا فیصلہ |
|
جمعرات 08 دسمبر 2022ء | |
ہوٹل انڈسٹری سے وابستہ کمرشل صارفین کا احتجاج رنگ لے آیا اب کمرشل صارفین نہ آر ایل این جی معاہدہ کرینگے اور نہ ہی گیس کنکشنز منقطع ہونگے اوگرا نے سوئی نادرن گیس کمپنی کو کمرشل صارفین سے آر ایل این جی معاہدوں سے روک دیا ہوٹل کی صنعت سے وابستہ گیس صارفین کےلئے اچھی خبر،،آئل اینڈ گیس ریگولیٹری اتھارٹی نے ہوٹل انڈسٹری سے متعلق سوئی نادرن کے کمرشل صارفین کو آر ایک این جی معاہدے کرنے سے روک دیا ہے اوگرا نے ہوٹل انڈسٹری سے متعلق فیصلہ جاری کردیا جس میں کہا گیا ہے کمرشل صارفین معاہدے کے مطابق قدرتی گیس استعمال کرینگے،اوگرا فیصلے میں کہا گیا ہے کہ سوئی نادرن گیس کمپنی کے معاہدے سے متعلق لیٹر میں ابہام پائے گئے،سوئی نادرن کی جانب سے ہوٹل انڈسٹری کے صارفین کو بھیجے گئے خط میں بہت سے ایشو کلئیر نہیں ہیں اوگرا نے سوئی نادرن سے کمرشل صارفین کو لکھے گئے خط پر کمپنی سے پندرہ روز میں وضاحت بھی طلب کر لی واضح رہے کہ پچیس اکتوبر کو ایس این جی پی ایل نے کمرشل صارفین کو آر ایل این جی معاہدہ کرنے کا نوٹس بھیجا تھانوٹس میں کمرشل صارفین کو یکم نومبر سے آر ایل این جی معاہدہ کرنے کا کہا گیا تھاآر ایل ایل این جی معاہدہ نہ کرنے پر گیس کنکشنز کاٹنے کی وارننگ دی گئی تھی جس پر ہوٹل انڈسٹری کی جانب سے شدید احتجاج کیا گیا تھا |