پاکستان کسٹمز نے 77 دن میں 14 ارب 98 کروڑ مالیت کی اسمگل شدہ اشیاء ضبط کیں،ایف بی آر |
|
جمعه 17 نومبر 2023ء | |
پاکستان کسٹمز نے77 دنوں میں 14 ارب 98 کروڑ روپے مالیت کا اسمگل شدہ سامان ضبط کیا ایف بی آر کی طرف سے جاری اعلامیے کے مطابق پاکستان کسٹمز کے ڈائریکٹوریٹ جنرل آف انٹیلی جنس اینڈ انویسٹی گیشن نے یکم ستمبر سے 16 نومبر تک اسمگلنگ کی روک تھام کےلئے متعدد کارروائیاں کیں۔ ایف بی آر کے مطابق یکم ستمبر سے سولہ تک 14 ارب 98 کروڑ روپے مالیت کا مال ضبط کیا گیا، جس میں سےصرف پنجاب میں 5 ارب 88 کروڑ کا سامان ضبط کیا گیا۔ اعلامیے کے مطابق سندھ میں 5 ارب، بلوچستان میں 2 اعشاریہ 8 ارب، خیبرپختونخوا میں 1 ارب 23 کروڑ روپے مالیت کا سامان ضبط کیا گیا۔ اعلامیے کے مطابق ضبط شدہ اسمگل اشیاء میں سگریٹ، گاڑیاں، آٹو پارٹس، پان کے پتے، کپڑا اور ڈیزل شامل ہیں۔ |