آئندہ مالی سال کا بجٹ،سپر ٹیکس جاری رکھنے کا فیصلہ

ایف بی آر ذرائع کے مطابق اگلے مالی سال کے دوران بھی سپر ٹیکس جاری رکھنے کا فیصلہ کیا گیا ہے،ذرا ئع کے مطابق 15کروڑ آمدن والوں پر ایک فیصد سپر ٹیکس عائد رہےگا جبکہ 20 کروڑ آمدن سپر ٹیکس کی شرح دو فیصد ہوگی ذرائع کے مطابق اگلے مالی سال کے دوران 25 کروڑ سالانہ آمدن پر 3 فیصد سپر ٹیکس عائد ہوگا، جبکہ 30 کروڑ سالانہ آمدن پر 5 فیصد سپر ٹیکس عائد ہو گا۔ ذرائع کا کہنا ہےکہ اگلے مالی سال کے دوران 30 کروڑ سے زائد آمدن پر 10فیصد سپر ٹیکس عائد رہے گا، آٹوموبائل، مشروبات،کیمیکل، فرٹیلائزر، اسٹیل اور سیمنٹ سیکٹر پر سپرٹیکس عائد ہوگا۔