شاہ رخ خان دنیا کے امیر ترین اداکاروں کی فہرست میں شامل |
|
جمعرات 12 جنوری 2023ء | |
ورلڈ آف اسٹیٹسٹکس کے مطابق دنیا کے امیر ترین اداکاروں میں شاہ رخ خان فہرست میں چوتھے نمبر پر ہیں،شاہ رخ پہلے بھارتی اداکار ہیں جنہوں نے 770 ملین ڈالرز کے ساتھ چوتھی پوزیشن حاصل کی ،جبکہ بھارتی میڈیا کے مطابق شاہ رخ خان چھ ہزار تین سو چھ کروڑ بھارتی روپے کے اثاثوں کے مالک ہیں۔ ورلڈ آف اسٹیٹسٹکس کی فہرست میں چھ اداکاروں کا تعلق امریکا سے ہے، پہلی پوزیشن پر امریکی اداکار جیری سین فیلڈ، دوسری پر ٹیلر پیری اور تیسری پوزیشن پر ڈوین جانسن راک ہیں۔ چوتھی پوزیشن بھارت کے شاہ رخ خان کی ہے، پانچویں ٹام کروز، چھٹی ہانگ کانگ کے جیکی چین، ساتویں جارج کلونی اورآٹھویں اور آخری پوزیشن پر رابرٹ ڈی نیرو براجمان ہیں۔ |