ارباز اور ملائیکہ کی طلاق کی وجہ کیا بنی،ملائیکہ نے بتادیا

ملائیکہ اور ارباز میں طلاق کیوں ہوئی وجہ سامنے آگئی، بالی ووڈ کی معروف اداکارہ ملائیکہ نے اپنی اور ارباز کی شادی اور علیحدگی کے حوالے سے کئی رازوں سے پردہ اٹھا دیا،ملائیکہ نے ایک پروگرام میں گفتگو کرتے ہوئے بتایا کہ ارباز خان کو شادی کےلئے انہوں نے پرپوز کیا تھا،جس کو ارباز نے قبول کیا اور دونوں شادی کے بندھن میں بندھ گئے تھے ملائیکہ کا کہنا تھا کہ شادی کے بعد کئی سال تک سب کچھ ٹھیک چل رہا تھا لیکن فلم دبنگ کی ریلیز کے بعد حالات میں تبدیلی آئی اور دونوں کے درمیان تناٗو کی کیفیت پیدا ہوئی جو دن بدن شدت اختیار کرتی گئی اور نوبت علیحدگی کے فیصلے تک پہنچ گئی،ملائیکہ کا کہنا تھا کہ ارباز بحیثیت انسان بہت اچھا ہے پروگرام کے دوران ملائیکہ اپنے اور ارباز کے متعلق بتاتے ہوئے آبدیدہ ہوگئیں،واضح رہے کہ ارباز اور ملائیکہ کی شادی انیس سو اٹھانوے میں ہوئی تھی اور انیس سال بعد دونوں میں دوہزار سترہ میں طلاق ہوئی۔