سیف نے کہا جے دیپ اور وجے ورما کے ساتھ کام کرنا آسان نہیں ہوگا،کرینہ کپور |
|
جمعرات 07 ستمبر 2023ء | |
بالی ووڈ کی میگا سٹارکرینہ کپور فلم جانِ جاں سے نیٹ فلکس پر اپنا ڈیبیو کرنے جا رہی ہیں جس میں وہ وِجے ورما اور جے دیپ اہلاوت کے ساتھ سکرین شیر کرتی ہوئی نظر آئیں گی۔ فلم کے ٹریلر لانچ کے حوالے سے منعقدہ تقریب میں کرینہ کپور کاکہنا تھا کہ ان کے شوہر سیف علی خان نے انہیں فلم سائن کرتے ہوئے کہا تھا کہ انہیں جانِ جاں میں وِجے ورما اور جے دیپ اہلاوت کے ساتھ کام کرنا ہوگا اور یہ آسان نہیں ہوگا۔ نیوم میں ہدایتکار سائمن ویسٹ کی سربراہی میں تاریخی فلم ’عنترہ‘ کی شوٹنگ کرینہ کپور کا اپنے ساتھی اداکاروں کی تعریف کرتے ہوئے کہنا تھا کہ ’سیف نے مجھے کہا تھا کہ سنو ایسا نہیں ہوگا کہ تم وین سے میک اپ کرکے اتروگی اور سیٹ پر جا کر ڈائیلاگ بول لو گی۔ آپ کو اپنا یہ رویہ ترک کرنا ہوگا، آپ جے دیپ اور وِجے جیسے اداکاروں کے ساتھ کام کریں گی اس لیے تیار رہیں۔ وہ دونوں چیزیں تبدیل کر رہے ہوں گے تو بہتر ہے آپ بھی ہوشیار رہیں کیونکہ یہ پِکنک نہیں۔ بالی ووڈ کی بیبو نے مزید کہا کہ جے دیپ اہلاوت ہمیشہ اپنے کردار کی تیاری کر کے آتے ہیں جبکہ وِجے ورما سیٹ پر ہنسی مذاق کر رہےہوتے ہیں لیکن جب وہ کام کرتے ہیں تو یہ معلوم کرنا مشکل ہوتا ہے کہ وہ اگلہ جملہ کون سا اور کیسے بولیں گے۔ |