ریٹائرمنٹ کا اعلان،اظہر علی کل اپنا آخری ٹیسٹ میچ کھیلیں گے |
|
جمعه 16 دسمبر 2022ء | |
سابق کپتان قومی کرکٹ ٹیم اظہر علی نے کرکٹ سے ریٹائرمنٹ کا اعلان کر دیا کراچی میں نیوز کانفرنس کے دوران اظہر علی نے نے اعلان کیا کہ کل ہونے والا کراچی ٹیسٹ ان کے کیرئیر کا آخری ٹیسٹ ہوگا،ٹیسٹ کرکٹر اظہرعلی ریٹائرمنٹ کا اعلان کرتے ہوئےآبدیدہ ہوگئے ، اظہر علی کا کہنا تھا کہ انکے مداحوں نے کرکٹ کی وجہ سے بہت پیار دیا جس پر ان کا شکریہ ادا کرتا ہوں جبکہ سنیئرز اور ٹیم مینجمنٹ نے جس طرح انکا ساتھ دیا اس پر بھی وہ سب کے شکرگزار ہیں، اظہر علی کا کہنا تھا کہ میں چار پانچ سال انجری کا شکار رہا، میری فیملی نے میرے کیرئیر کے لیے بہت قربانیاں دیں، امید ہے اب انہیں کافی ٹائم دے سکوں گا۔ واضح رہے کہ ٹیسٹ کر کٹراظہر علی نے 2010 میں آسٹریلیا کے خلاف ڈیبیو کیا تھا اوراب تک 96 ٹیسٹ میچز کھیلے جس میں انہوں نے 7097 رنز بنائے ہیں۔ |