راولپنڈی کرکٹ سٹیڈیم کی پچ غیر معیاری قرار،دو ڈی میرٹ پوائنٹس،انٹرنیشنل کرکٹ کی میزبانی سے معطلی کی تلوار بھی لٹنے لگی |
|
منگل 13 دسمبر 2022ء | |
انٹرنیشنل کرکٹ کونسل نے راولپنڈی اسٹیڈیم کی پچ کو اوسط سے بھی کم قرار دے دیا،دو ڈی میرٹ پوائنٹس ملنے کے بعد معطلی کی تلوار بھی لٹکنے لگی آئی سی سی کی جانب سے جاری بیان میں کہا گیا ہے کی راولپنڈی ٹیسٹ میں کئی ریکارڈ بنے،پچ کی صورتحال کے معائنے کے بعد اسٹیڈیم کے 2 ڈی میرٹ پوائنٹس ہوگئے ہیں، ڈی میرٹ پوائنٹس پانچ برس تک برقرار رہیں گے اور مزید ڈی میرٹ پوائنٹس پر پنڈی وینیو کی میزبانی خطرے میں پڑ سکتی ہے، آئی سی سی کے مطابق 5 ڈی میرٹ پوائنٹس پروینیو کو ایک سال تک انٹرنیشنل کرکٹ کی میزبانی سے معطلی کا سامنا ہو سکتا ہے،واضح رہے کہ پنڈی اسٹیڈیم کی پچ کو مسلسل دوسری بار اوسط سےکم درجےکی قرار دیا گیا ہے، راولپنڈی ٹیسٹ میں انگلینڈ نے پہلے دن 500 سے زیادہ رنز سکور کئے تھے پنڈی اسٹیڈیم کی پچ کے حوالے سے سابق کرکٹر اورماہرین نے سوالات اٹھائے تھے ۔ |