بابر اعظم نیچرل کپتان تھا،ہٹانے میں جلدی کی گئی،میتھیو ہیڈن |
|
جمعه 17 نومبر 2023ء | |
پاکستان کرکٹ کے سابق کوچ اور لیجنڈ آسٹریلوی بلے باز میتھیو ہیڈن نے بابر اعظم کو نیچرل کپتان قرار دے دیا کہتے ہیں کپتانی سے ہٹانے کا فیصلہ جلدی میں کیا گیا میڈیا رپورٹس کے مطابق ایک انٹرویو میں میتھیو ہیڈن کا کہنا تھا کہ بابر اعظم نیچرل کپتان تھے، پی سی بی نے اُنہیں ہٹانے کا فیصلہ کرنے میں جلدی کی۔ انہیں کپتان کی تبدیلی پر افسوس ہوا میتھیو ہیڈن کا کہنا تھا کہ پاکستان کو ورلڈ کپ 2023ء میں مختلف چیلنجز کا سامنا رہا، گرین شرٹس کےلیے کپتانی سے زیادہ ٹیم پرفارمنس اہمیت رکھتی ہے۔ سابق آسٹریلوی بلے باز کا کہنا تھا کہ ورلڈ کپ سے قبل ہی فاسٹ بولر نسیم شاہ انجرڈ تھے، شاہین آفریدی کی پرفارمنس پر تشویش تھی اور فخر زمان نے جب پرفارمنس دی تو وقت گزر چکا تھا جبکہ سپنرز محمد نواز اور شاداب خان کی پرفارمنس اچھی نہیں رہی۔ آسٹریلوی بلے باز میتھیو ہیڈن کا کہنا تھا کہ بابراعظم کی کپتانی پر جس نے بھی فیصلہ کیا اس نے حقائق کو نظر انداز کیا، اُس کی کپتان کی نسبت بطور کھلاڑی پرفارمنس بہت اچھی ہے، بطور کپتان بیٹنگ اوسط تقریباً 50 ہے۔ |