ایشیئن چیمپیئنز ٹرافی ،قومی ہاکی ٹیم بھارت روانہ

ایشیئن چیمپینز ٹرافی کا مشن ،قومی ہاکی ٹیم بھارت روانہ ہوگئی،ہاکی ٹیم ٹورنامنٹ میں اپنا پہلا میچ تین اگست کو کھیلے گی۔ ایشیئن چیمپینز ٹرافی میں شرکت کیلئے قومی ہاکی ٹیم بھارت روانہ ہو گٸی۔ گرین شرٹس 3 اگست سے ملاٸیشیا کیخلاف میچ سے اپنے مشن کا آغاز کرے گی. انڈیا کے شہر چنائے میں 3 اگست سے 12 اگست تک کھیلی جانیوالی ایشیئن چیمپینز ٹرافی میں شرکت کیلٸے پاکستان ہاکی ٹیم واہگہ بارڈر کے راستے بھارت روانہ ہوٸی ۔قومی ٹیم امرتسر سے بذریعہ ہوائی جہاز رات نو بجے چنائے پہنچے گی.ایونٹ میں پاکستان اپنا پہلا میچ 3 اگست کو ملائشیا کیساتھ کھیلے گا ۔گرین شرٹس کا دوسرا میچ 4 اگست کو کوریا کیساتھ ہوگا۔تیسرا میچ 6 اگست کو جاپان کیساتھ,چوتھا میچ 7 اگست کو چین کیساتھ ہوگا ۔گرین شرٹس 9 اگست کو روایتی حریف بھارت کیخلاف مدمقابل ہوگی۔ ایونٹ کا فائنل 12 اگست کو کھیلا جائے گا.