دہلی،وزیراعلی اروند کیجریوال کی گرفتاری،عام آدمی پارٹی نے احتجاج کی کال دے دی |
|
هفته 30 مارچ 2024ء | |
دہلی کے وزیراعلیٰ اروند کیجریوال کی گرفتاری کا معاملہ،عام آدمی پارٹی نے احتجاج کی کال دے دی،دیگر اپوزیشن جماعتوں کے رہنماء بھی شرکت کریں گے عام آدمی پارٹی کے رہنما گوپال رائے نے کے مطابق اروند کیجریوال کی گرفتاری کے خلاف کل دہلی کے رام لیلا میدان میں احتجاج کیا جائے گا۔ گوپال رائے کا کہنا ہے کہ الزامات کی بنیاد پر موجودہ وزیرِ اعلیٰ کو جیل میں ڈالا گیا، انکے خلاف کوئی ثبوت سامنے نہیں لائے گیے صرف الزامات کی بنیاد پر گرفتاری عمل میں لائی گئی جبکہ اروند کی گرفتاری کے خلاف احتجاج میں راہول گاندھی، سونیا گاندھی اور فاروق عبداللّٰہ سمیت دیگر رہنما شریک ہوں گے۔ عام آدمی پارٹی کے رہنماء کا کہنا تھا کہ کیجریوال کی گرفتاری غیرقانونی اور غیرمنصفانہ ہے، اپوزیشن رہنماؤں کو ایجنسیاں نشانہ بنا رہی ہیں واضح رہے کہ بھارت میں جوں جوں انتخابات کا وقت قریب آرہا ہے حکومت کی جانب سے اپوزیشن سیاسی رہنماؤں اور میڈیا کے خلاف گھیرا تنگ کیا جا رہا ہے |