امریکی وزیر خارجہ کی سعودی ولی عہد سے ملاقات،غزہ کی صورتحال پر بات چیت |
|
جمعرات 21 مارچ 2024ء | |
امریکی وزیرِ خارجہ انٹونی بلنکن کی سعودی ولی عہد شہزادہ محمد بن سلمان سے ملاقات ،خطے کی مجموعی صورتحال اور غزہ کے حوالے سے تبادلہ خیال بین الاقوامی میڈیا رپورٹس کے مطابق دونوں رہنماؤں کی جدہ میں ہونے والی ملاقات میں علاقائی اور بین الاقوامی معاملات پر ہونے والی پیش رفت بالخصوص غزہ پر تبادلہ خیال کیا گیا میڈیا کے مطابق ملاقات میں غزہ میں فوجی کارروائیوں کو روکنے اور اس کی سلامتی اور انسانی ہمدردی سے متعلق کوششوں پر بھی بات کی گئی۔ دونوں رہنماؤں نے دوطرفہ تعلقات اور دونوں ممالک کے درمیان تعاون کے شعبوں اور باہمی دلچسپی کے امور کا بھی جائزہ لیا۔ میڈیا کے مطابق ملاقات میں سعودی وزیر دفاع شہزادہ خالد بن سلمان، امریکا میں سعودی سفیر شہزادی ریما بنت بندر، سعودی وزیر خارجہ شہزادہ فیصل بن فرحان اور دیگر امریکی وفد بھی موجود تھا |