القدس بریگیڈ کا 11 اسرائیلی فوجی گاڑیوں کو نشانہ بنانے کا دعویٰ |
|
| جمعرات 23 نومبر 2023ء | |
 |
|
حماس کے القسام کے بعد تحریکِ اسلامی جہاد کا عسکری ونگ القدس بریگیڈ بھی متحرک، 11 اسرائیلی فوجی گاڑیوں کو کامیابی سے نشانہ بنانے کا دعویٰ میڈیا رپورٹس کے مطابق القدس بریگیڈ کی جانب جاری بیان میں دعویٰ کیا گیا ہے کہ شمالی غزہ کے 5 علاقوں میں آنے والی اسرائیلی فوجی گاڑیوں کو کامیابی سے نشانہ بنایا گیا ہے۔ القدس بریگیڈ کے ترجمان کے مطابق الزیتون، تل الحوا، الشاطی، شیخ رضوان، جوہر الدیک میں اسرائیلی فوجی گاڑیوں کو نشانہ بنایا ہے۔ واضح رہے کہ 7 اکتوبر سے اب تک اسرائیلی بم باری میں 15 ہزار سے زائد فلسطینی شہید ہو چکے ہیں جبکہ 33 ہزار سے زیادہ زخمی ہیں دوسری طرف حماس کے عسکری ونگ القسام کے بعد دیگر فلسطینی تنظیمیں بھی اسرائیل کے خلاف سامنے آرہی ہیں اور غزہ پر حملوں میں اسرائیل کو کافی نقصان اٹھانا پڑا ہے |
