فلسطینیوں سے اظہار یکجہتی،بھارتی پولیس نے علی گڑھ یونیورسٹی کے 4 مسلمان طلباء کے خلاف مقدمہ درج کر لیا |
|
بدھ 11 اکتوبر 2023ء | |
علی گڑھ مسلم یونیورسٹی کےطلباء کا غزہ کے مظلوم فلسطینیوں کے ساتھ اظہار یکجہتی،بھارتی پولیس نے 4 مسلم طلبا کے خلاف مقدمہ درج کر لیا، کشمیرمیڈیاسروس کے مطابق طلبا نے یونیورسٹی کیمپس میں ڈک پوائنٹ سے باب سرسید گیٹ تک احتجاجی مارچ نکالاتھا۔ علی گڑھ کے ایس پی سٹی آر شیکھر پاٹھک نے ایک بیان میں کہا ہے کہ پولیس نے مارچ کرنے پر یونیورسٹی کے مسلم طلبا کے خلاف مقدمہ درج کیا ہے ۔انہوں نے کہاکہ طلبا کے خلاف تعزیرات ہند کی مختلف دفعات کے تحت مقدمہ درج کیا گیا ہے۔ پاٹھک نے مزیدکہا کہ عاطف، خالد، کامران اور نوید چوہدری ایف آئی آر میں نامزد چار طلبا ہیں۔انہوں نے دعویٰ کیا کہ مظاہرین نے مارچ کے لیے کوئی پیشگی اجازت نہیں لی تھی اور طلبا نے ایک "دہشت گرد گروپ” کی حمایت میں مارچ کیاہے |