مالی،دہشتگردوں کے حملوں میں 64 افراد ہلاک |
|
جمعرات 21 ستمبر 2023ء | |
مالی میں دہشتگردوں کے آرمی بیس اور مسافر بردار کشتی پر حملے ، 64 افراد ہلاک عرب میڈیا کے مطابق دہشتگردوں کے حملے میں دریائے نائیجر پر سفر کرتی کشتی پر سوار 49 سویلین جبکہ گاؤ ریجن کے بورم سرکل میں قائم آرمی بیس پر حملے میں 15 فوجی ہلاک ہوئے۔ رپورٹس کے مطابق دہشتگردوں کے خلاف سیکیورٹی فورسز کی جوابی کارروائی میں 50 دہشتگردبھی مارے گئے، میڈیا کے مطابق مالی میں پیش آنے والے دہشتگردی کے دونوں واقعات کی ذمہ داری القاعدہ سے منسلک ایک گروہ نے قبول کر لی ہے۔دہشتگرد حملے میں شہریوں اور فوجی اہلکاروں کی ہلاکت پر حکومت کی جانب سے ملک بھر میں تین روزہ سوگ کا اعلان کیا گیا ہے۔ |