یوکرین کو کلسٹر بموں کی فراہمی،روسی صدر ولادی میر پیوٹن نے وارننگ دے دی

روسی صدر پیوٹن کی یوکرین اور اتحادیوں کو تنبیہہ ،روس کے خلاف کلسٹر بم استعمال کئے گئے تو جوابی حملے کا حق حاصل ہے،کلسٹر بموں کا بڑا ذخیرہ موجود ہے میڈیا کو دیئے گئے ایک انٹرویو میں روس کے صدر ولادی میرپیوٹن کا کہنا تھا کہ یوکرین کو روسی فوج کے خلاف کامیابی نہیں مل رہی،اس لیے امریکا نے یوکرین کو کلسٹر ہتھیار فراہم کیے ہیں۔ روسی صدرنے واضح کیا کہ روس کلسٹرہتھیاروں کے استعمال کو جرم سمجھتا ہے اس لیے بڑی تعداد میں اسلحہ موجود ہونے کے باوجود اس کا کبھی بھی استعمال نہیں کیا گیا۔تاہم جوابی حملے کا حق محفوظ رکھتے ہیں اور ضرورت پڑنے پر استعمال کریں گے واضح رہے کہ کلسٹر بموں کی تباہی اور ہولناکی کی وجہ سے 100 سے زائد ممالک میں کلسٹر ہتھیاروں پر پابندی عائد ہے