متحدہ عرب امارات،عجمان میں آئل ڈپو میں دھماکہ اور آتشزدگی،دوافراد جاں بحق تین زخمی

بین الاقوامی میڈیا کے مطابق متحدہ عرب امارات کے شہر عجمان کے صنعتی ایریا ’الجرف انڈسٹریل ایریا‘ کے فیول ٹریڈنگ کمپنی کے گودام میں ایک آئل ڈپو میں ڈیزل ٹینک پھٹ گیا۔ جس سے زور دھماکہ ہوا اور آگ بھڑک اٹھی ،جس کے نتیجے میں 2 افراد ہلاک اور 3 زخمی ہوگئے۔ عجمان پولیس حکام کے مطابق ابتدائی تفتیش میں معلوم ہوا ہے کہ کمپنی کے آئل ڈپو کے ٹینک کے اوپر دو افراد ویلڈنگ کر رہے تھے۔ ٹینک کے اندر چنگاریاں گرنے سے دھماکا ہوگیا اور دونوں مزدور موقع پر ہی ہلاک ہوگئے۔ پولیس ترجمان کا مزید کہنا تھا کہ دھماکے کے نتیجے میں ہلاک ہونے والے دونوں افراد کا تعلق ایشیا سے ہے تاہم ان کی شناخت ظاہر نہیں کی گئی۔ ٹینک میں ہونے والے زور دار دھماکے میں ٹینک کے کور کے ٹکڑے دوسری فیکٹری میں 3 مزدوروں کو لگے جس سے وہ شدید زخمی ہوگئے۔