چین اسرائیل اور فلسطئن کے درمیان ثالث کا کردار ادا کرنے کےلئے تیار |
|
منگل 18 اپریل 2023ء | |
بین الاقوامی میڈیا کے مطابق چینی وزیرخارجہ چن گانگ نے اسرائیل اور فلسطین کے اعلیٰ سفارت کاروں کے ساتھ علیحدہ علیحدہ ٹیلی فونک گفتگو کی جس میں اسرائیل فلسطین تنازعہ لے حل اور قیام امن کے حوالے سے مختلف امور پر بات چیت کی گئی ،چینی وزیر خارجہ کا کہنا تھا کہچین فریقین کے درمیان امن مذاکرات میں سہولت فراہم کرنے کے لیے تیار ہے،اور چین مذاکرات کی فوری طور پر بحالی کی حمایت کرتا ہے۔ چینی وزیرخارجہ نے دونوں فون کالز پر ’دو ریاستی حل‘ پر عمل درآمد کی بنیاد پر امن مذاکرات پر چین کے مؤقف پر زور دیا۔ واضح رہے کہ چین نے حال ہی میں سفارتی میدان میں ثالثی کا کردار ادا کرتے ہوئے ایران اور سعودی عرب کے درمیان مارچ میں تعلقات کی بحالی کے لیے بنیادی کردار ادا کیا تھا |