شمالی کوریا کا ایک اور بین البراعظمی بلیسٹک میزائل کا تجربہ |
|
جمعه 14 اپریل 2023ء | |
بین الاقوامی میڈیا کے مطابق شمالی کوریا نے ایک اور بین البراعظمی بیلسٹک میزائل کا تجربہ کیا ہے، شمالی کوریا کے رہنما کم جونگ ان نے اپنی صاحبزادی کے ہمراہ بیلسٹک میزائل کا تجربہ دیکھا۔ واضح رہے کہ شمالی کوریا ایک سال کے دوران 30 میزائل تجربات کرچکا ہے، تجربات 12 مختلف مقامات پر کیے گئے۔شمالی کوریا کے میزائل تجربے کی نشاندہی پر جاپان نے حفاظتی اقدام کے طورپر اپنے شمالی جزیرے ہوکا آئیڈو کو خالی کرالیا تھا۔ امریکا، جاپان اور جنوبی کوریا نے شمالی کوریا کے نئے میزائل تجربے پر تشویش کا اظہار کرتے ہوئے اسے عالمی امن کے لیے خطرہ قرار دیا ہے |