کینیڈا میں ریلوے سٹیشن پر مسلمان نوجوان کو نماز پڑھنے سے روکنے کا معاملہ،گارڈ معطل،

بین الاقوامی میڈیا رپورٹس کے مطابق اوٹاوا کے ریلوے اسٹیشن پر تعینات گارڈ نے مسلمان نوجوان احمد کو نماز پڑھنے سے روک دیا اور موقف اپنایا کہ آپ کے نماز پڑھنے سے دوسرے لوگ ڈسٹرب ہوں گے۔ گارڈ نے مسلمان نوجوان کوآئندہ ریلوے اسٹیشن کی حدود میں نماز نہ پڑھنے کی وارننگ بھی دےدی۔ میڈیارپورٹس کے مطابق مسلمان نوجوان ریلوے اسٹیشن کے ایک خالی ہال میں نماز ادا کررہا تھا جہاں لوگ موجود نہیں تھے۔ مسلمان نوجوان کو نماز سے روکنے کی ویڈیو سوشل میڈیا پر وائرل ہوئی رو ریلوے سٹیشن انتظامیہ نے معاملے کا نوٹس لے لیا۔ ریلوے اسٹیشن کی انتظامیہ نے مسلمان نوجوان اور مسلمان کمیونٹی سے غیر مشروط معافی مانگی اور متعلقہ گارڈ کو معطل کردیا جبکہ واقعہ کی تحقیقات کروانے کا فیصلہ بھی کیا