دہلی پولیس کاپرامن کشمیریوں پربدترین تشدد،محبوبہ مفتی کو بھی نہ بخشا،حریت رہنماؤں کے گھر سیل |
|
جمعه 10 فروری 2023ء | |
تفصیلات کے مطابق دہلی میں پرامن احتجاج کے دوران کشمیری رہنمامحبوبہ مفتی اور کشمیری پر امن مظاہرین پر دہلی پولیس نے بدترین تشدد کیا گرفتاری کے دوران محبوبہ مفتی ’کشمیر ہمارا ہے‘ کے نعرے لگاتی رہیں۔محبوبہ مفتی کا کہنا تھا کہ مقبوضہ کشمیر افغانستان سے بھی بدتر ہے،مقبوضہ کشمیر کو افغانستان کی طرح تباہ کیا جا رہا ہے،محبوبہ مفتی نے مودی سرکار کو ایسٹ انڈیا کمپنی قرار دے دیا۔ دوسری طرف مودی سرکار کا تحریک آزادی کشمیر کو دبانے کیلئے اِک نیا اوچھا ہتھکنڈہ سامنے اگیابھارتی حکومت حریت پسندوں کے گھر اور کاروبار نا جائز طور پر مسمار کرنے لگ گئی۔اننت ناگ میں حریت رہنما قاضی یاسر کی دکانوں کو ناجائز قرار دے کرمسمار کر دیاگیا۔ اس سے پہلے بھارتی حکومت حریت رہنما شبیرشاہ کا سری نگر میں موجود گھراور دفتربھی غیر قانونی طور پر ضبط کر چکی ہے۔ انتیس جنوری کو مودی حکومت نے کل جماعتی حریت کانفرنس کے سری نگر میں مرکزی دفتر کو ناجائز طور پر ضبط کر لیا تھا۔ جون دوہزار بائیس میں این سی آرکے خلاف دہلی میں مسلم طلباء کے مظاہروں کے جواب میں مودی سرکار نے اجتماعی سزا دیتے ہوئے غیر قانونی طور پر تین سوطلباء کے گھروں کو مسمار کر دیا تھا۔ |