قومی اسمبلی ضمنی انتخابات،تینتیس حلقوں سے عمران خان امیدوار |
|
اتوار 29 جنوری 2023ء | |
پی ٹی آئی کور کمیٹی کے اجلاس کے بعد میڈیا سے گفتگو میں وائس چیئرمین شاہ محمود قریشی کا کہنا تھاکہ عمران خان کی سربراہی میں کور کمیٹی کا اجلاس ہوا جس میں ملک کی سیاسی اورمعاشی صورتحال کا جائزہ لیاگیا۔ شاہ محمود قریشی کا کہنا تھاکہ پاکستان تحریک انصاف نے قومی اسمبلی کے تینتیس حلقوں میں ہونے والے ضمنی انتخابات میں حصہ لینے کا فیصلہ کیا ہے۔ تمام حلقوں میں عمران خان امیدوار ہوں گے ان حلقوں سےڈی نوٹیفائی ہونے والے ارکان اسمبلی بطور کورنگ امیدوار اپنے کاغذات جمع کروائیں گے۔ شاہ محمود قریشی کا کہنا تھاکہ تحریک انصاف سیاسی میدان میں موجود رہے گی، قوم اب بھی ہمارے ساتھ ہے، واضح رہے کہ گزشتہ سال سترہ جولائی کو ہونے والی ضمنی انتخابات میں عمران خان قومی اسمبلی سات نشستوں پر الیکشن لڑا تھا اور ایک نشست پر ہار گئے تھے۔ قومی اسمبلی کی تینتیس نشستوں پر ضمنی انتخابات کےلئے الیکشن کمیشن کے شیڈول کے مطابق پولنگ سولہ مارچ کو ہونا ہے جبکہ کاغذات نامزدگی چھ سے آٹھ فروری تک جمع کروائے جائیں گے |