ملک کے مختلف حصوں میں بجلی کی فراہمی جزوی بحال

پاوور ڈویژن ذرائع کے مطابق ملک کے مختلف حصوں میں بجلی کی بحالی کا عمل شروع ہوگیا یے،اور سسٹم میں فریکوئنسی کو میچ کرنے کےلئے پاوورپلانٹس سے بجلی بتدریج سسٹم میں شامل کی جا رہی ہے ذرائع کے مطابق بجلی کی بحالی کےلئے بند پاوور پلانٹس کو آپریشنل بنایا گیا،فرنس ائل،گیس اور پن بجلی پلانٹس سے بجلی کی پیداوار میں بتدریج اضافے کا سلسلہ جاری ہے،پاوور ڈویژن ذرائع نے دعویٰ کیا ہے کہ آئندہ چند گھنٹوں میں ملک بھر میں بجلی کا نظام بحال کر دیا جائیگا واضح رہے کہ ہائی وولٹیج ٹرانسمیشن لائن میں تکنیکی خرابی کے باعث صبح سات بجے کر بتیس منٹ پر بجلی کا بریک ڈاؤن ہوا تھا جس میں ملک کے اکثر حصوں میں بجلی کی فراہمی معطل ہوگئی تھی