پنجاب فوڈ اتھارٹی کی کارروائی،ایک ہزار سات سو لٹر مضر صحت دودھ ضائع کر دیا گیا

ڈی جی فوڈ اتھارٹی کے مطابق اسلام آباد ٹول پلازہ پر ناکے لگا کر تیرہ دودھ سپلائی کرنیوالی گاڑیوں کا معائنہ کیا گیا ۔ ضائع کیے گئے دودھ کے نمونوں میں پانی اور کیمیکلز کی ملاوٹ پائی گئی۔ جو صحت کےلئے مضر تھی، مضر صحت دودھ سپلائی کرنے پر تین سپلائرز کو پچپن ہزار روپے جرمانہ کیا گیا ہے۔ پنجاب فوڈ اتھارٹی حکام کا کہنا تھا کہ ملاوٹ سے پاک دودھ کی فراہمی کیلئے روزانہ کی بنیاد پر کارروائیاں جاری ہے۔ خوراک کے کارروبار میں جعل سازی کرنیوالوں کو کسی صورت رعایت نہیں دی جائے گی۔